PODA 15:32 - BIBEL JAMITA NA DENGGAN

³² Halak na so ra diajar, na so mangargai dirina sandiri; tapi sanga ise na manangihon dapotan habisuhon.

PODA 15:32 ပူးပေါင်းရင်းမြစ်များ

MASMUR 50:17

Nada ra ho manjagit sipaingotKu, jana ditulak ho do angka parentangKu.

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 10:17

Sanga ise na manangihon sipaingot, na giot masonang ma i, sanga ise na so ra mangoku dosana, di bagasan bahaya ma i.

PODA 13:18

Jolma na so ra ajaran gabe marpogos jana marlayas, halak na mangargahon sipaingot dipasangap donganna.

PODA 15:14

Halak na marroha manjalahi parbinotoan; halak na oto puas do di haotoan.

PODA 15:21

Jop do roha ni na bodo di habodoon, tapi muda halak na bisuk dikarejohon ia do na sintong.

PODA 15:31

Na bisuk do halak na mangargahon hata gora.

PODA 15:33

Biar maradopkon Tuhan, i ma ojahan ni pangajaran. Toruk ni roha manjoloi hasangapan.

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.

PODA 18:15

Bahat do halak na pistar marjop ni roha, jana manguas marsiajar.

PODA 19:20

Tangihon ma poda, jana parhagiot ma parsiajaran, anso marbisuk ho.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PARJAMITA 7:5

Gumonan do digorahon halak na marsinaloan umpado mambege ende ni halak na oto.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

PANGARATAION 21:18

“Adong ma umpamana anak halaklahi na jogal roha, sai mangalo jana nada ra mangihutkon na nidok ni simatobangna haru pe nian na dung dipincang halahi ia.

PANGARATAION 21:20

Angkon dokkonon ni halahi ma tu hatobangon ni kota i, ‘Na jogalan roha ni dakdanaknami on, sai mangalo jana nada ra mangihutkon hata na hami dok; pangabis-ngabis hepeng jana sai ra mabuk.’

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.