PODA 15:28 - BIBEL JAMITA NA DENGGAN

²⁸ Dipikiri halak partigor do alusnia, tapi mopop do na bodo mangalehen alusnia jana mambaen susa do i.

PODA 15:28 ပူးပေါင်းရင်းမြစ်များ

MASMUR 59:7

Torus do halahi manjalahi sindir dohot mangalayasi, hata ni halahi maradu tajom songon podang, diambang halahi na so adong na umbegesa.

PODA 10:19

Mur bahat mangkobari, mur bahat do hatiha mardosa, muda giot bisuk, gumonan do hohom sajo iba.

PODA 10:32

Halak na bulus marroha pangkataina pasonang roha; hata ni halak na jahat sai pahancit roha.

PODA 13:16

Jolo marpikir anso nibaen, i do halak na marroha; halak na bodo paboa-boahon haotoonna.

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PODA 16:23

Halak na marroha jolo marpikir anso mandok hata, i do umbaen na umpos roha di hatana.

PODA 29:11

Halak na oto muruk marsitangkas, tapi halak na marroha sobar do i jana ditahan do murukna.

PODA 29:20

Umbahat do na niarop ni roha ni jolma na oto, umpado halak na manghobari na so marpikir jolo.

PARJAMITA 5:2

Jolo nipikiran ma painte so nidok hata, jana ulang matibutu marjanji tu Debata. Di banua ginjang do Ia jana ho di tano on, jadi bangkol ma ho mandok hatamu.

PARJAMITA 5:6

Ulang ma angka hatamu sandiri mambaen mardosa ho, jadi gabe tarpaksa noma ho mandok tu malim na marhobas tu Tuhan, bahaso na sala do ho. Porlu ma he Debata gabe muruk hara ni angka hatamu jana manyegohon angka na nikarejohonmu?

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.