PODA 15:27 - BIBEL JAMITA NA DENGGAN

²⁷ Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

PODA 15:27 ပူးပေါင်းရင်းမြစ်များ

1 RAJA-RAJA 2:40

dipayakkon ia ma palano tu halodenia, lalu kehe ia tu Raja Akhis di Gat laho manjalahi naposonia i. Dapot ia ma halahi lalu dioban ia mulak.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 23:8

Ulang jagit hamu hepeng sisip, angke gabe mapitung do halak tu na tigor baenon ni hepeng sisip jana mangarugihon do i diparkaro ni angka halak na so marsala.

PODA 1:19

Songon i ma parngoluon ni jolma na sai manghagioti labo na so tingkos, angkon bayaronna do i dohot hosana sandiri.

PODA 11:19

Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

PODA 11:29

Halak na manggaori rumahtanggana, agoan do di sasudena. Halak na oto, gabe hatoban ni na bisuk do.

PODA 15:26

Magigi do Tuhan mida sangkap ni halak pardosa, tapi hata na denggan pajop rohaNia.

PODA 20:21

Mur mura halak dapotan sinadongan mur so denggan do panginonaanna.

PODA 23:4

Ulang nihalojahon laho makayo, tinggalkon ma hagiotmi.

PODA 28:16

Kejam do pambaen ni parkuaso na so adong parbinotoanna, mamarenta do ia martaon-taon muda dihagigihon ia hageduhan.

PODA 28:25

Patubu partongkaran do na ahut tu diri, maruntungan do iba muda Tuhan dihaporsayai.

PODA 29:4

Muda dirohahon parkuaso hatigoran, togu ma negarana. Tapi muda hepeng dirohahon, maronco ma luatna.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.

1 TIMOTEUS 6:9

Tapi sanga ise angka halak na giot kayo, targoda jana hona jorgong ma i dibaen hagiot na oto na marragam rupa boti na manyegohon. Angka hagiot na songon i ma na mangalantuk dohot na mangagohon halak.

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”