PODA 15:25 - BIBEL JAMITA NA DENGGAN

²⁵ Rumpakkonon ni Tuhan do bagas ni halak siginjang roha, tapi diondihon Ia do sinadongan ni ina na mabalu.

PODA 15:25 ပူးပေါင်းရင်းမြစ်များ

JOB 24:21

Umbaen songon i pe, patunda ni na niparhancitannia ma na mabalu, jana marpangalaho na kejam tu ina na so marsinuan bulu.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

MASMUR 146:9

Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

PODA 12:7

Dumpang hadadabu do halak parjahat jana punjung, tapi halak na denggan hot do pomparanna.

PODA 14:11

Bagas ni halak na denggan tong do togu, bagas ni halak na jahat marayak maronco.

PODA 15:26

Magigi do Tuhan mida sangkap ni halak pardosa, tapi hata na denggan pajop rohaNia.

PODA 23:10

Sanga na bia pe, ulang nipaimbar parbalohan ni tano sanga nibuat tano ni na so marama so marina.

JESAYA 1:17

marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

DANIEL 5:20

Tapi dung ginjang rohania, jogal rohana jana jingar, didabuhon do ia sian harajaannia jabat mago dohot hagodangannia.

PANGARATAION 19:14

“Muda dung lalu hamu di tano na giot silehenon ni Tuhan Debatamunu i di hamu, ulang paimbar hamu angka tanda ni parbalohan tu hombarmunu na ditontuhon narobi.”

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”