PODA 15:21 - BIBEL JAMITA NA DENGGAN

²¹ Jop do roha ni na bodo di habodoon, tapi muda halak na bisuk dikarejohon ia do na sintong.

PODA 15:21 ပူးပေါင်းရင်းမြစ်များ

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

PODA 10:23

Halak na oto dihagioti do mambaen sala; halak na bisuk sai manjalahi habisuhon.

PODA 11:12

Sanga ise na palayaskon donganna na bodo do i, tapi hohom do halak na pistar.

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 14:9

Halak na bodo nada parduli haru pe ia mardosa; halak na denggan por rohana dosana disesa.

PODA 15:22

Jagit ma sipaingot olat ni na tolap, anso gabe karejomu, muda inda songon i nada manjadi karejomu.

PODA 4:25

Sian torang ni panailimu tarida ma nian hatigoran ni rohamu; ulang jabat unduk ho hara ni ila ni rohamu.

PODA 4:26

Jolo denggan ma nipikiran painte so nikarejohon, anso mardohar ho di bagasan sude parkarejoanmu.

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

JAKOBUS 3:13

Muda adong do sian hamu na marroha jana na burju, dipatuduhon ia ma i dohot ngolu na denggan bope dohot pambaenan na denggan mardongan hatoruhon ni roha dohot habisuhon.