PODA 15:19 - BIBEL JAMITA NA DENGGAN

¹⁹ Halak na losok sai na marpupu do i susa; halak na jujur nada adong hamaolonna.

PODA 15:19 ပူးပေါင်းရင်းမြစ်များ

MASMUR 25:12

Diajarkon Tuhan do tu halak na unduk roha, dalan na giot bolusonna.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

MASMUR 5:8

Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

PODA 11:5

Dalan ni halak na denggan dipahornop hajujuran, tapi halak na jahat maroban dirina tu hamagoan.

PODA 15:18

Halak parmuruk patubu partongkaran, halak na sobar maroban pardamean.

PODA 15:20

Anak na marroha, pasonang roha ni amangna; anak na oto nada mangargahon inangna.

PODA 22:13

Halak na losok mandok: “Adong singa di luar dijomak au annon di tonga dalan.”

PODA 22:5

Tirangkap dohot jorat adong do i di dalan ni halak ma jahat; sanga ise na giot manjagohon ngoluna, dipadao ma dirina sian i.

PODA 26:13

Halak na losok giotna nian tinggal di bagas hara ni alasan: Mabiar disoro babiat di tonga dalan.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

PODA 6:6

Ale ho na losok, kehe ma ho marsiajar tu porkis; parrohahon ma pambaenanna i.

PODA 8:9

Torang do i sudena di halak na cerdas; di halak na marroha sudena i tangkas.

JESAYA 30:21

Muda manyimbil hamu sian dalan, tarbege do i sian pudimunu soraNia na mandok, “On do dalan i; dalan on ma bolus hamu.”

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JESAYA 57:14

Adong ma na mandok: “Buka ma, buka ma, parade ma dalan, angkati hamu ma batu partuktuhan sian dalan ni bangsongKu.”