PODA 15:17 - BIBEL JAMITA NA DENGGAN

¹⁷ Dumengganan do mangan simarata dohot halak na nihaholongan, ulang pado mangan juhut na tabo rap dohot halak goyak ni roha.

PODA 15:17 ပူးပေါင်းရင်းမြစ်များ

PODA 16:8

Gumonan do marpandapotan otik mardongan hajujuron, ulang pado marpandapotan bahat mardongan panipuon.

PODA 17:1

Dumenggan do marsaulihon sipanganon na so sadia, tapi mardongan hasonangan, ulang pado marpesta di bagas na gok partangkangan.

PODA 21:19

Dumenggan do iba maringanan di padang halongonan, umpado sainganan dohot saripe na sai matubekbek jana na sai marungut-ungut.

PARJAMITA 4:6

Aropku tutu do i, tapi gumonan do sinadongan na so sadia mardongan hasonangan umpado karejo marsitutu mamake dua tangan jana manangkup angin.

MATEUS 22:4

Dung i disuru raja i ma angka naposonia na asing. Ditonai raja i ma halahi: ‘Paboa hamu ma tu angka na niontang i: Madung singkop horja ni anakki. Angka lombu jantan dohot angka pahan-pahanan na jumeges madung nisambolan. Madung rade sude. Ro be ma hamu tu horja parbagason i!’

LUKAS 15:23

Dung i buat ma anak ni lombu na nipamokmok, sambol ma i anso mangan hita jana marjop ni roha.

PILIPPI 2:1

Nada he hara ni na mangolu i do hamu di bagasan Kristus umbaen na margogo hamu? Umbaen na tarapul pe hamu hara ni na holong do rohaNia mida hamu! Solkot pe hamu sama hamu, hara ni na nitogu-togu ni Tondi i do hamu, jana marsihaholongan muse do hamu bope marsiasi-asian.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.