PODA 15:15 - BIBEL JAMITA NA DENGGAN

¹⁵ Totop do susa ngolu ni na pogos, tapi sai marjop ni roha do halak na sonang.

PODA 15:15 ပူးပေါင်းရင်းမြစ်များ

PAMUNGKAAN 37:35

Sude dakdanaknia i dadaboru dohot halaklahi, marroan do laho mangapoi ia, tapi nada ra ia niapoan. Didok ia do, “Anggo au lopus manuat au tu portibi ni halak na mate, sai andunganku do anakki.” Songon i ma sai torus markutondo ia hara ni si Josep anaknia i.

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

PODA 15:13

Muda marjop ni roha halak, mikim ia; tapi muda marsak, markaremut bohina.

PODA 15:14

Halak na marroha manjalahi parbinotoan; halak na oto puas do di haotoan.

PODA 15:16

Gumonan do na miskin tapi mabiar tu Tuhan, ulang pado kayo mardongan sak ni roha.

PODA 16:22

Halak na marroha maruli ngolu sian habisuhonna; tapi muda habodoon, sitaonon do i di na bodo.

PODA 17:22

Muda jop roha, sehat do pamatang. Muda gondok roha, marhancit ma badan.

BAENON NI ANGKA RASUL 16:25

Hira-hira tonga borngin, martangiang ma si Paulus dohot si Silas, angka marende bage halahi mamuji Debata. Dibege angka halak na tarhurung na asing i do halahi na marende i.

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 1:5

Angka hasusaan na nitaon ni Kristus i pe, madung bahat hami taon. Hara ni i do umbaen na mur togu rohanami markite-hite Kristus.

2 KORINTUS 6:10

Haru pe dipaarsak rohanami, hape sai marjop ni roha do hami. Anggo idaon pogos do hami, hape bahat do halak gabe maradong hami baen. Anggo idaon na so adong do sanga na ahanami, tapi anggo satutuna sasudena do adong di hami.

1 PETRUS 4:13

Angkon mur sonang do rohamunu angke dohot do hamu manaon parkancitan rap dohot Kristus. Jadi saulahon muda dung dipataridahon hasangapan ni Kristus i tu sude jolma, marsurak-surak ma hamu disi.