PODA 15:12 - BIBEL JAMITA NA DENGGAN

¹² Halak na pangincahi nada ra i digorahon sanga didok hata; nada ra i mangido sipaingot sian halak na marroha.

PODA 15:12 ပူးပေါင်းရင်းမြစ်များ

2 JUJUR TAON 18:7

Dialusi si Ahab ma, “Adong dope sada nari, si Mika anak ni si Jimla. Tapi goyak do rohangku mida i, harana na so unjung do ia mambaen sada alatan pe na denggan di au; sai na jat do marpupu.” “Ah, ulang antong dokkon songon i!” ning si Josafat mangalusi.

JOB 21:14

Hape nian didok halahi do tu Debata, ‘Padao ma sian hami, kehe ma Ho da! Nada pardulinami jana nada ra hami mangastui, sanga aha na di rohaMi bope hagiotMu salaho tu ngolunami.’

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 13:1

Diparrohahon dakdanak na bisuk do poda ni amangna, tapi muda halak na bulbul nada ra manangihon sipaingot.

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 15:10

Dokdok do uhuman tu halak na maninggalkon dalan na tutu, jana mate do halak na so tarpaingot.

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

2 TIMOTEUS 4:3

Angke angkon ro do hatihana na so ra be halak manjagit pangajaran na sintong. Gumonan noma hagiot ni halahi sandiri ihutkonon ni halahi, jana gabe palaguton ni halahi ma angka guru laho mangajarkon angka pangalaho na tabo begeon ni pinggol ni halahi.