PODA 15:11 - BIBEL JAMITA NA DENGGAN

¹¹ Gari banua toru ungkap do di adopan ni Tuhan, dia ma he tartabunihon angka roha ni jolma?

PODA 15:11 ပူးပေါင်းရင်းမြစ်များ

2 JUJUR TAON 6:30

sai tangihon ma i sian bagasan parmiananMu di banua ginjang i jana ampuni lalu urupi ma halahi. Hum Ho do na mananda isi ni roha ni jolma. Jadi hara ni i, baen ma tu ganop jolma sanga aha na patut disia,

JOB 26:6

Di adopan ni Debata, talak do inganan ni na marmatean, nada martutup gabe tangkas diSia haidaan.

MASMUR 139:8

Muda manaek au tu langit, disi do Ho, sugari modom au di hamatean, disi pe laing adong Ho.

MASMUR 44:21

pasti diboto Ho do i, angke didodo Ho do sibunian ni roha.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

PODA 15:10

Dokdok do uhuman tu halak na maninggalkon dalan na tutu, jana mate do halak na so tarpaingot.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

PODA 27:20

Anggo di inganan ni halak na mate, lumbang do inganan; laing songon i ma hagiot ni jolma nada tarsuhat bidangna.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

BAENON NI ANGKA RASUL 1:24

Dung i ditangiangkon halahi ma i. Ninna halahi ma, “O Tuhan, Ho do na umboto sude roha ni jolma. Madung ditinggalkon si Judas tohonan harasulonnia. Madung mate ia. Hara ni i patuduhon ma tu hami, sanga ise do sian na dua on na nitodoMu gabe hasahatan ni karejo i manggonti si Judas.”

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”