PODA 14:8 - BIBEL JAMITA NA DENGGAN

⁸ Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 14:8 ပူးပေါင်းရင်းမြစ်များ

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

MASMUR 119:5

Sai togu ma nian rohangku mandalankon angka aturanMu.

MASMUR 119:73

Ho do na manjadihon dohot na manompa au lehen ma di au parbinotoan laho mangastui angka parentaMu.

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

PODA 11:18

Halak na jahat nada pasti hauntunganna; halak na denggan pasti pasupasuonna.

PODA 12:5

Halak na jujur martahi na denggan; tapi halak na jahat sai giot paoto-otohon.

PODA 15:21

Jop do roha ni na bodo di habodoon, tapi muda halak na bisuk dikarejohon ia do na sintong.

PODA 2:9

Muda dioloi ho do au, ale anakku, botoonmu ma sanga aha na tigor, na jujur dohot na denggan. Laing botoonmu muse ma sanga na songon dia ho patut mangolu.

PODA 8:20

Dalan hajujuron do na huihutkon, di dalan hatigoran do na hulangkahon.

PARJAMITA 2:13

Nian, huboto do, ‘Dumenggan do habisuhon sian haotoon, songon na torang dumenggan sian na golap.

PARJAMITA 2:16

Halak na oto manigor dihalupahon, tapi halak na maruli habisuhon pe, nada ingoton. Lolot-lolot muli mago do hita sudena sian parningotan. Angkon mate do hita sudena, halak na pistar bope halak na oto.

JEREMIA 13:20

Didok Tuhan ma tu halak na maringanan di Jerusalem, “Parrohahon hamu ma! Madung ro musumunu sian Utara! Di dia dehe angka jolma sihopkoponmunu i dohot na sai dipangasahon hamu?

1 KORINTUS 3:19

Angke na nietong ni portibi on bisuk, anggo di parnidaan ni Debata i ma halak na oto. Tarsurat do di Buku Na Badia i, “Dipadapot Debata do angka na bisuk dohot hamaloan ni halahi i sandiri.”

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

EPESUS 5:17

Ulang hamu maoto, tapi sihiri hamu ma sanga aha giot ni Tuhan i sibaenonmunu.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

JAKOBUS 3:13

Muda adong do sian hamu na marroha jana na burju, dipatuduhon ia ma i dohot ngolu na denggan bope dohot pambaenan na denggan mardongan hatoruhon ni roha dohot habisuhon.