PODA 14:30 - BIBEL JAMITA NA DENGGAN

³⁰ Roha na sonang pahoras pamatang; na mangiburu tarsongon nyae na maroban tu hamatean.

PODA 14:30 ပူးပေါင်းရင်းမြစ်များ

1 RAJA-RAJA 21:6

Dialusi si Ahab ma, “Hara ni na so tabo do huhilala pambaen ni si Nabot. Por rohangku manobusi kobun anggurnia i, sanga muda giot rohania, nigonti disia dohot kobun na asing. Hape inda ra ia!”

JOB 5:2

Hum halak na bodo sun do na mate hara ni hancit ni rohana sajo.

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

MASMUR 119:80

Sai ulang nian manyimbil rohangku sian hatontuanMu, anso ulang au marmalu-malu.

PODA 12:4

Dadaboru na burju gabe tuku do i di halaklahina; tapi dadaboru na pailahon, songon bara na mangontak tu holi-holinia.

PODA 15:13

Muda marjop ni roha halak, mikim ia; tapi muda marsak, markaremut bohina.

PODA 17:22

Muda jop roha, sehat do pamatang. Muda gondok roha, marhancit ma badan.

PODA 3:8

Gabe songon ubat i di ho na pamalumkon angka bugangmu jana na panayangkon holi-holimu.

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

BAENON NI ANGKA RASUL 7:9

Tapi mangiburu do angka ompunta i tu si Josep, jabat digadis halahi ia gabe hatoban tu tano Mesir. Tapi Debata do dongannia,

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

JAKOBUS 4:5

Ulang ma didok rohamunu na so marguna na nidok ni Buku Na Badia i, “Madung dibaen Debata sada tondi na malungun situtu maringanan di bagasan hita.”