PODA 14:29 - BIBEL JAMITA NA DENGGAN

²⁹ Halak na sobar bidang do pangastuionna, tapi halak parmuruk na pagodang haotoanna.

PODA 14:29 ပူးပေါင်းရင်းမြစ်များ

PODA 14:17

Na bodo do halak na momo muruk, tapi sabar do halak na bisuk.

PODA 14:28

Hagodangan ni raja marguru tu bahat ni rayatna; anggo so adong rayat markuaso pe ia soada.

PODA 15:18

Halak parmuruk patubu partongkaran, halak na sobar maroban pardamean.

PODA 16:32

Lumambat muruk dumenggan dope i sian na markuaso; mangarajai diri gumonan dope sian na patalu kota.

PODA 17:27

Asok do mangkobari halak na pistar, jana torang do marpikir halak na mangastui.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 25:28

Jolma na so tarbaen mangarajai dirina tudos do i tu kota na dung marumpak partahananna.

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

PODA 4:8

Hunti ma habisuhon, gabe pagincaton ni habisuhon i ma ho. Haol ma i, gabe paroonna ma hasangapon di ho.

PARJAMITA 10:6

Halak na oto dilehen jabatan, hape halak na kayo nada dipardulihon.

PARJAMITA 7:8

Dumenggan do ujung ni sada pangalaho umpado parmulaanna. Gumonan do hasobaron umpado ginjang ni roha.

PARJAMITA 7:9

Ulang mura biraraon; hum halak na oto do na patiop-tiop hosom.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.