PODA 14:24 - BIBEL JAMITA NA DENGGAN

²⁴ Tarpuji do halak na marroha hara ni habisuhonna; marlayas halak na oto hara ni haotoonna.

PODA 14:24 ပူးပေါင်းရင်းမြစ်များ

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PODA 13:8

Dipake na kayo do hepengna anso aman ngoluna; hapengani halak na pogos bebas do sian ancaman.

PODA 14:23

Marhite na marusaho gabe tarjamin ma ngolumu; muda juguk mangecet-ecet tu hapogoson ma ho madabu.

PODA 21:20

Halak na marroha tongtong do sonang jana mamora; hape anggo halak na bodo diabiskon do hepeng na baru dijagitna.

PODA 27:22

Haru nigogoan pe mambalbal halak na oto, nada gabe ruar habodoonna sian dirina.

JESAYA 33:6

jana lehenonNia ma hasonangan tu bangso i. Sai na ondihononNia do bangsoNa jana baenonNia halahi marbisuk dohot marbinoto. Pasangapon ni halahi ma Tuhan; i noma arta ni Sion.

LUKAS 16:9

Dung i mandok hata ma Jesus mangulahi. Didok Ia ma, “Tangihon hamu ma jolo on: Pargunahon hamu ma mammon na geduk laho manjalahi dongan, anso dijagit hamu di inganan na hot muda dung so adong be sinadongan na di tano on.