PODA 14:22 - BIBEL JAMITA NA DENGGAN

²² Jagitonmu do pos ni roha dohot hasangapan muda dikarejohon ho na pade, tapi muda na jat do dikarejohon ho madung sala ho disi.

PODA 14:22 ပူးပေါင်းရင်းမြစ်များ

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

2 JUJUR TAON 6:8

Tapi didok Tuhan ma tusia, ‘Denggan do maksud i.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 61:7

Sai mamarenta ia songon raja na nitodoMu ro di salolot ni lolotna. Ale Debata, linggomi ma ia marhite hasetiaanMu dohot holong ni rohaMu na so mantak i.

PODA 12:2

Dihajopkon Tuhan do halak na burju, tapi diburai Ia do halak na paoto-otohon.

PODA 12:26

Ditogu halak na tigor do donganna tu dalan hasintongan, tapi muda dalan ni parjahat mangaliluhon ia sandiri.

PODA 14:17

Na bodo do halak na momo muruk, tapi sabar do halak na bisuk.

PODA 14:23

Marhite na marusaho gabe tarjamin ma ngolumu; muda juguk mangecet-ecet tu hapogoson ma ho madabu.

PODA 19:22

Tabiat na nipangido sian sada-sada halak, i ma hasetiaanna. Gumonanan do na pogos ulang pado pargabus.

PODA 24:8

Halak na sai mambaen sangkap hajahatan, goaron do i sipanggaori.

PODA 3:29

Ulang pikiri giot manyusai donganmu na donok tu ho, jana na manghaposi ho.

PODA 3:3

Sai totop ma ho marholong ni roha jana pangalahomu pe setia tu Debata dohot tu donganmu. Paingot-ingot ma i jana simpan di bagasan rohamu,

PODA 6:14

Angke na jahat sajo do dipikiri di bagasan rohania, na jat i anso mambaen parbadaan.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MATEUS 5:7

Martua ma angka na marasi ni roha, dibaen dapotan asi ni roha do muse halahi.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOSUA 2:14

Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”