PODA 14:2 - BIBEL JAMITA NA DENGGAN

² Halak na jujur mabiar jana mangalehen sangap do tu Tuhan Debata; halak na so jujur palayaskon Ia.

PODA 14:2 ပူးပေါင်းရင်းမြစ်များ

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

1 RAJA-RAJA 3:6

Dialusi si Salomo ma, “Tuhan! Madung dipatidahon Ho basa na holong situtu do rohaMu di damang si Daud naposoMi. Denggan do ia, tigor, bope burju tu Ho. Torus do dipatidahon Ho holong ni roha godang disia. Tangkas do i tarida angke madung dilehen Ho disia sada anak na mamarenta saonnari manggontihon ia.

2 RAJA-RAJA 17:34

Lalu tu sadari on laing didalankon halahi do adat hasomalan ni halahi. Nada na marsomba tu Tuhan halahi, jana nada didalankon halahi angka uhum dohot angka parenta na nilehen ni Tuhan tu pomparan ni si Jakob, na nigoaranNia muse si Israel.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 12:4

Sipartataan ni dongan au dohot ale-ale, hape tigor do iba so marsala. Najolo dialusi Debata do tangiangniba, muda mangido tolong iba tuSia.

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

PODA 11:12

Sanga ise na palayaskon donganna na bodo do i, tapi hohom do halak na pistar.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 19:1

Dumenggan do halak na pogos na denggan roha, ulang pado halak na oto na sai marbungkak.

PODA 2:15

Panipu do halahi jana nada tarhaposi.

PODA 28:6

Dumenggan do halak na pogos parroha na bulus umpado halak na kayo na sai tagi margabus.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.