PODA 14:14 - BIBEL JAMITA NA DENGGAN

¹⁴ Halak na jahat mamutik batu ni hajahatan, halak na denggan mamutik batu ni hadengganan.

PODA 14:14 ပူးပေါင်းရင်းမြစ်များ

MASMUR 109:17

Dibaen sai mamurai ia, sai hona bura nian ia! Dibaen na so ra ia mamasumasu, sai ulang ma adong tusia pasupasu!

PODA 12:14

Sian hata dohot parbuatanna do halak nitanda, jagitonna do upana marguru tu pambaenanna.

PODA 12:21

Nada masa jaya tu halak partigor, tapi marjaya do halak parjahat.

PODA 14:10

Jop ni roha dohot arsak nisimpan di bagasan andora; nada tarhilala halak na asing i songon pangkilalaanniba.

PODA 14:15

Halak na oto porsaya do di sasudena, tapi anggo halak na bisuk diparrohahon do dalanna.

PODA 18:20

Butuha ni jolma dipabutong parbatu ni pamanganna, dipabutong do ia dohot parbatu ni bibirna.

PODA 9:12

Muda adong di ho habisuhon, ho sandiri do na maruntung. Tapi muda ho do na manulak habisuhon, ho muse do na marugi.

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

HOSEA 4:16

Harana tangkang do Israel songon lombu na tangkang, giot bia ma he Tuhan marmahani halahi, songon biri-biri di tano lapang?

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

GALATIA 6:4

Marsipareso pangalahona be ma ganop halak sanga na ture do sanga nada. Baru pe anso tola ia marmoga-moga di bagasan rohania hara ni angka pangalaho na denggan na nibaennia i. Indangkon pola sai dipatudos-tudos tu pambaenan ni halak na asing.

GALATIA 6:8

Muda disuan halak sanga aha hombar tu bakona humani na jat i, angkon sabionna ma hamamago sian bakonia i. Tapi muda marguru tu panogu-noguon ni Tondi Parbadia ia manyuan, sabionnia ma ngolu na so mantak sian Tondi Parbadia.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!