PODA 14:10 - BIBEL JAMITA NA DENGGAN

¹⁰ Jop ni roha dohot arsak nisimpan di bagasan andora; nada tarhilala halak na asing i songon pangkilalaanniba.

PODA 14:10 ပူးပေါင်းရင်းမြစ်များ

PAMUNGKAAN 42:21

Jadi mangkatai ma halahi sama halahi, “Bia do saonnari, mangae ma hita balos ni hasalaanta na tabaen maradopkon angginta na salpu i, taida do sanga na bia dangolna dihilala ia na mangido tolong ia tu hita, hape nada taampirkon. Hara ni i do umbaen na dangol taononta saonnari.”

2 RAJA-RAJA 4:27

Tapi disi lalu di jolo ni si Elisa, marsomba ma ia jana dihaol ia ma pat ni si Elisa. Sai giot diantahi ni si Gehasi do nian anso ulang disi ia, tapi didok si Elisa ma, “Padiar ma! Marsak do ia idaon. Tapi nada adong boa-boa ni Tuhan tu au!”

JOB 10:1

Loja au jana magigi paida-ida ngolungku. Gabe huusehon na paet di rohangku.

JOB 21:25

Hape adong muse do na mate matua di haporsuhan, so unjung mandai hamogaan.

JOB 7:11

Hara ni i nada tarhasipkon au! Na gilap dohot na paet nada tarpompom au. Angkon mungkap pamanganniba jana niusehon na di roha.

JOB 9:18

Umpe jabat humosa iba hum sangombas. Mur marrongoman dibaenSa tu iba hapaetan.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

PODA 15:13

Muda marjop ni roha halak, mikim ia; tapi muda marsak, markaremut bohina.

PODA 18:14

Bisa do halak dapotan gogo na manaon parkancitanna, tapi muda so dapotan gogo, mago ma arop ni roha.

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 14:18

Nada pola padiaronKu hamu mardangol-dangol. Mulak do Au mandapotkon hamu.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

PILIPPI 4:7

Hasonangan ni Debata na sumurung sian sude roha, manjagahon roha dohot pikiranmunu di bagasan Kristus Jesus.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

1 SAMUEL 1:10

Marsak sajo roha ni si Hanna, jana martangiang ma ia tu Tuhan lalu tangis panguncombopon.

1 SAMUEL 1:15

Tapi dialusi si Hanna ma, “Nada na mabuk au da amang, nada adong minum anggur au! Na marsak situtu do au, tapi na martangiang do au paboahon pardangolanku tu Tuhan.