PODA 13:8 - BIBEL JAMITA NA DENGGAN

⁸ Dipake na kayo do hepengna anso aman ngoluna; hapengani halak na pogos bebas do sian ancaman.

PODA 13:8 ပူးပေါင်းရင်းမြစ်များ

2 RAJA-RAJA 24:14

Raja Joyakin, angka dadaborunia, inangnia dohot angka pagawe ni bagas godangnia ditaban si Nebukadnesar ma i sudena jana dioban tu Babel. Pitu ribu halak angka na malo, saribu halak parkarejo na malo, masuk ma disi angka pande bosi, dohot hona oban; angka halak na malo marporang do i sudena. Sudena na nioban tu habuangan i, dohot ma disi bagian parbagas godang dohot angka halak na pistar, adong ma hira-hira sampulu ribu halak sudena. Hampir do sude halak na mangingani Jerusalem dioban tu habuangan i. Hum angka rayat na umpogos ma na tading.

2 RAJA-RAJA 25:12

Tapi deba sian jolma na pogos-pogos ditadingkon ia do jana disuru ia mangkarejohon kobun anggur dohot angka ladang.

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

HARURUAR 21:30

Tapi tola do nampuna lombu i mangalehen dangdang songon tobus ni hosania, tapi angkon gararonnia ma sanga sadia bahat ni hepeng na nituntut tusia.

PODA 13:7

Adong do halak paula-ula na kayo hape nada mararta; adong halak na paula-ula pogos hape na sun morana.

PODA 13:9

Songon sinondang na manyirlak do halak na daulat; tapi halak na jahat songon lampu na giot mintop do ia.

PODA 14:24

Tarpuji do halak na marroha hara ni habisuhonna; marlayas halak na oto hara ni haotoonna.

PODA 6:35

Nada tarelek i dohot hepeng; sanga sadia bahat pe silua nada bolas paombun murukna.

JEREMIA 39:10

Deba sian rayat i angka na umpogos na so marsinadongan ditadingkon ia ma i di Juda, dilehen ia kobun anggur dohot ladang.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

LUKAS 12:23

Umporluan dope ngolu sian sipanganon, jana umporluan dope pamatang sian pakean.