PODA 13:2 - BIBEL JAMITA NA DENGGAN

² Hata ni halak na denggan parohon hauntungan; halak na geduk giotna mangasa hagogoan.

PODA 13:2 ပူးပေါင်းရင်းမြစ်များ

MASMUR 140:11

Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.

MASMUR 75:8

Songon sada piala di tanganNia do hamuruhan ni Tuhan piala na marisi anggur na koras. Diduruskon Ia ma isi ni piala i sude ma parjahat na di tano on angkon manginumsa lopus abis.

PODA 1:18

hape anggo angka halak na jahat i, suhar-suhar ni i do. Dihuar halahi do lubang, jana halahi sandiri do na runcur tu bagasan lubang i.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 10:11

Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 11:23

Hum parohon jop ni roha do hagiot ni halak partigor, tapi hagiot ni halak parjahat patubuhon hagigian.

PODA 12:14

Sian hata dohot parbuatanna do halak nitanda, jagitonna do upana marguru tu pambaenanna.

PODA 18:20

Butuha ni jolma dipabutong parbatu ni pamanganna, dipabutong do ia dohot parbatu ni bibirna.

PODA 18:21

Mangolu sanga mate dirajai dila, barang ise na ra maningtingkonsa, angkon mangankon parbatuna.

PODA 4:17

Hajahatan dohot hakejamon tarsongon sipanganon dohot inumon do di halahi.

HOSEA 10:13

Hape suhar-suhar ni i do dipambaeni ho; same hajahatan do disabur ho, jana sabionmu ma hageduhan. Madung dipapangani ho angka parbatu ni gabusmu.” Didok Tuhan muse dope, “Ale bangso Israel, dibaen dipangasahon ho do angka kareta porangmi dohot bahat ni angka tentarami,

HABAKUK 2:17

Ditabai ho do angka hayu na di harangan Libanon, jana saonnari ho noma na giot sitabaon. Dibunu ho do angka binatang jana saonnari angka binatang i noma sihabiaranmu. Sudena on tarjadi hara ni pamunuon dohot hakejamon na dung nibaenmu maradopkon angka luat, kota dohot angka pangisina.

HABAKUK 2:8

Ma bahat disamun ho angka bangso, tapi samunon ni angka bangso na so dapotmu ma ho, hara ni pamunuon na nipadalanmi dohot hara ni hakejamonmu maradopkon angka luat, angka kota dohot halak na manginganisa.

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”