PODA 13:18 - BIBEL JAMITA NA DENGGAN

¹⁸ Jolma na so ra ajaran gabe marpogos jana marlayas, halak na mangargahon sipaingot dipasangap donganna.

PODA 13:18 ပူးပေါင်းရင်းမြစ်များ

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

PODA 12:1

Sanga ise na mangkaholongi poda, holong do rohania diparbinotoan; tapi sanga ise na margoyak ni roha di sipaingot, na bodo do i.

PODA 13:13

Sanga ise na manulak poda mananggung resikona, tapi sanga ise na mangoloi parenta, dapotan upa do ia.

PODA 13:19

Dengganna i antong anggo dapot por ni roha! Halak na jahat nada ra morot sian hajahatanna.

PODA 13:25

Sai na tuk do baenon ni halak na burju roha, hape anggo halak na jahat sai marhahurangan.

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

PODA 19:6

Bahat do halak mambuat roha ni na sangap, jana ganup do halak mardongan dohot na basa.

PODA 25:12

Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PODA 9:9

Muda dipaingot ho halak na marroha, mur marbisuk muse ma ia. Jana muda halak na burju mangoloi Debata diajari ho, mur martamba ma parbinotoannia.

PARJAMITA 7:5

Gumonan do digorahon halak na marsinaloan umpado mambege ende ni halak na oto.

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!