PODA 13:16 - BIBEL JAMITA NA DENGGAN

¹⁶ Jolo marpikir anso nibaen, i do halak na marroha; halak na bodo paboa-boahon haotoonna.

PODA 13:16 ပူးပေါင်းရင်းမြစ်များ

MASMUR 112:5

Martua ma halak na jop roha painjamkon jana na jujur di sude siuruson.

PODA 14:33

Halak na malo sai adong do bisuk di bagasan rohana; anggo di halak na bodo bisuk nada adong artina.

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PODA 18:2

Halak na oto nada ra nilehen pangastuion; giotnia hum na patuduhon hamaloon.

PODA 21:24

Jolma na oto jana siginjang roha sai mangincahi do i jana pamalo-malohon.

PARJAMITA 10:13

Dipungka ia do dohot hata rarat na somal, hape ujungna manghobari ia songon na rintik.

PARJAMITA 10:3

Tarida do otona i salang di na mardalan pe ia, jana dipaboa-boa ia do habobangonna i tu halak sudena.

JESAYA 52:13

Satutuna, monang do naposongKu, pagincaton do ia, dipuji-puji jana dipasangap.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

SURAT NI SI PAULUS TU PARLAGUTAN ROM 16:19

Angke diboto halak do sudena taringot tu pangoloionmunu, jadi jop do rohangku hara ni hamu jana di pangido rohangku, anso pistar hamu tu na denggan, tapi ias maradopkon hajahatan.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

EPESUS 5:17

Ulang hamu maoto, tapi sihiri hamu ma sanga aha giot ni Tuhan i sibaenonmunu.

1 SAMUEL 25:17

Antong ditimbang nyonya i ma pangalaho on, jana diputuskon hamu ma sanga aha na tarpatupa hamu. Angke ro ma halahi mamaloskon tu tuan i dohot tu sude pangisi ni bagasna. Songon i ma jogal ni roha ni tuan i, na so ra do manangihon sanga na ise pe!”

1 SAMUEL 25:25

Ulang dipikirkon tuan i si Nabal, jolma na so hasaya i! Jolma na bodo i – laing songon goarna i. Na so huida do angka utusan na nisuru ni tuan i.