PODA 13:12 - BIBEL JAMITA NA DENGGAN

¹² Pahancitkon roha do arop ni roha na sundat, tapi jop do roha muda tulus arop ni roha.

PODA 13:12 ပူးပေါင်းရင်းမြစ်များ

PAMUNGKAAN 46:30

Didok si Jakob ma tu si Josep, “Saonnari rade ma au mate, dibaen madung huida ho jana madung huboto na mangolu dope ho.”

NEHEMIA 2:2

Jadi gabe disapai ia ma, “Biasi songon na marsak sajo ho idaon, hape nada na marun ho? Pasti adong sanga na aha na niarsakkonmu.” Tarsonggot ma au,

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

PODA 11:30

Halak na daulat tarjamin do ngoluna; jolma na bisuk martamba do parkarejona.

PODA 13:11

Momo do abis arta na ompot harorona, tapi mur tu kayona do na palagutkon sasaotik.

PODA 13:13

Sanga ise na manulak poda mananggung resikona, tapi sanga ise na mangoloi parenta, dapotan upa do ia.

PODA 13:19

Dengganna i antong anggo dapot por ni roha! Halak na jahat nada ra morot sian hajahatanna.

PODA 3:18

Na martua do halak na marbisuk; malua do ia patunda ni habisuhon i.

ENDE NA GODANG 5:8

Hamu angka boru Jerusalem, hupasumpa ma hamu, muda marsuo hamu dohot haholonganku, paboa ma tusia, na marnyae roha do au patunda ni holong ni roha.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.