PODA 12:7 - BIBEL JAMITA NA DENGGAN

⁷ Dumpang hadadabu do halak parjahat jana punjung, tapi halak na denggan hot do pomparanna.

PODA 12:7 ပူးပေါင်းရင်းမြစ်များ

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

2 SAMUEL 7:26

Mur tu huskusna ma goarMu, lopus gabe sai dokkonon ni halak ma sapanjangna, ‘Debata ni Israel do Tuhan Na Markuaso.’ Jadi baenonMu ma pomparanku marsundut-sundut gabe raja di bangso on.

ESTER 9:14

Dung i dilehen raja i ma parenta laho patuluskon pangidoan ni si Ester i; diparuar ma surat parenta tu kota Susan jana digantung ma bangke ni angka anak ni si Haman i.

JOB 11:20

Tapi anggo parjahat sai balangboling panailina, hara ni na so adong pangambilingan dapotsa. Hum sada noma arop ni rohana, i ma dung dapot ujung ni ajalna.”

JOB 34:25

Angke diboto Ia do sanga aha na nibaen ni halahi, gabe digulangkon Ia ma halahi di borngin ni ari lopus gabe malala.

MASMUR 37:10

Manigor tibu do mago anggo parjahat, muda nijalahan, nada be ia haidaan.

PODA 10:25

Muda mangalantap topan, mago ma parjahat i, hape anggo halak na jujur sai malua do i.

PODA 11:21

Halak na jahat pasti dapot uhuman; halak na denggan marhaluaan.

PODA 12:8

Halak na marroha, papuji-pujion, halak na bodo panyaor-nyaoron.

PODA 14:1

Dadaboru na marroha mambangun rumahtanggana, tapi dirumpakkon haotoonna.

PODA 14:11

Bagas ni halak na denggan tong do togu, bagas ni halak na jahat marayak maronco.

PODA 15:25

Rumpakkonon ni Tuhan do bagas ni halak siginjang roha, tapi diondihon Ia do sinadongan ni ina na mabalu.