PODA 12:5 - BIBEL JAMITA NA DENGGAN

⁵ Halak na jujur martahi na denggan; tapi halak na jahat sai giot paoto-otohon.

PODA 12:5 ပူးပေါင်းရင်းမြစ်များ

MASMUR 119:15

Giot huparsiajari do angka haputusanMu, sai hudodo-dodoi do angka panogu-noguMu.

MASMUR 139:23

Tangkasi ma au ale Debata, jana dodo ma rohangku; uji ma au jana tandai ma pikiranku.

PODA 11:23

Hum parohon jop ni roha do hagiot ni halak partigor, tapi hagiot ni halak parjahat patubuhon hagigian.

PODA 12:4

Dadaboru na burju gabe tuku do i di halaklahina; tapi dadaboru na pailahon, songon bara na mangontak tu holi-holinia.

PODA 12:6

Hata ni halak na jahat mamatehon; hata ni halak na jujur pangoluhon.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 24:9

Dosa do sandok siasat ni halak na oto. Jolma na sai manggorahon halak na asing, nada adong sanga ise pe na manghajopkon i.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEREMIA 9:3

jana hum na margabusi. Di sandok luat nada markuaso hatigoran, jana hageduhan noma hatontuanna. Didok Tuhan ma, “Nada marnamantak bangsongKi mambaen hajahatan, nada dioKu halahi Au Debata.”

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 26:4

Martahi ma halahi laho manangkup Jesus anso dibunu halahi Ia.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 4:2

Nada hami baen dalan na so ture. Nada ra hami markarejo mamake akal-akal sanga na pabalik-balikkon pandohan ni Debata. Torus torang do hami paboa sanga na aha na nipangido ni roha ni Debata. Jadi, marguru tu sada-sada halak ma laho manimbangi hami di bagasan taroktokna be di adopan ni Debata.