PODA 12:4 - BIBEL JAMITA NA DENGGAN

⁴ Dadaboru na burju gabe tuku do i di halaklahina; tapi dadaboru na pailahon, songon bara na mangontak tu holi-holinia.

PODA 12:4 ပူးပေါင်းရင်းမြစ်များ

PODA 11:22

Dadaboru na so marroha tapi jogi sarupa tu tintin sere do i di igung ni babi.

PODA 12:5

Halak na jujur martahi na denggan; tapi halak na jahat sai giot paoto-otohon.

PODA 14:1

Dadaboru na marroha mambangun rumahtanggana, tapi dirumpakkon haotoonna.

PODA 14:30

Roha na sonang pahoras pamatang; na mangiburu tarsongon nyae na maroban tu hamatean.

PODA 18:22

Halak na dapotan boru, mandapot hauntungan; i ma na patuduhon bahaso tusia jop ni roha ni Tuhan.

PODA 21:19

Dumenggan do iba maringanan di padang halongonan, umpado sainganan dohot saripe na sai matubekbek jana na sai marungut-ungut.

PODA 21:9

Dumenggan do tinggal di suhi-suhi ni loteng ulang pado sabagas dohot dongan saripe na sai matubekbek.

PODA 30:23

sada anakboru na gabe marbagas hape nian nada dihalomohon halak ia, sada hatoban dadaboru na mangarampas pangkat ni nyonyana.

PODA 31:29

“Bahat do dadaboru na denggan,” ning halaklahina; “tapi ho ma i na dumenggan sian sudena halahi.”

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

1 KORINTUS 11:11

Tapi haru songon i pe di bagasan ngolunta songon halak Kristen, nada jongjong sandiri dadaboru so pola marpartalian tu halaklahi, jana halaklahi pe nada jongjong sandiri so marpartalian tu dadaboru.

1 KORINTUS 11:7

Anggo halaklahi indangkon pola sai markupia, angke rupa dohot hamuliaan ni Debata do na nigambarkon ni halaklahi, dadaboru gabe hamuliaan ni halaklahi.

RUT 3:11

Hara ni i, ulang ho gamang, Rut. Hupatulus pe na nipangidomi; angke madung sude halak na sahuta on mamboto bahaso ho sada anak boru na burju do.