PODA 12:12 - BIBEL JAMITA NA DENGGAN

¹² Halak na durako gok do tahi na jahat; halak na denggan songon hayu na marbatu.

PODA 12:12 ပူးပေါင်းရင်းမြစ်များ

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 9:15

Angka bangso na so mananda Ho angkon madabu tu lubang na nihuar ni halahi do. Tu jaring na nitaon ni halahi sandiri Ho mambaen tarjorat halahi.

PODA 10:15

Diondihon sinadongan i do na kayo, tapi disegoi hapogoson i do halak na pogos.

PODA 11:30

Halak na daulat tarjamin do ngoluna; jolma na bisuk martamba do parkarejona.

PODA 21:10

Sai matua giot mambaen jahat do jolma na jahat. Sanga na tu ise pe nada adong ibo ni rohana.

JESAYA 27:6

Tu hatiha na giot ro, marurat ma pinompar ni si Jakob.

JESAYA 37:31

Halak Juda na laing mangolu i sonang noma halahi songon suan-suanan na marurat bagas sajo tu tano jana na marbatu.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 15:5

Au do bona ni anggur i, jana hamu ma angka rantingna. Sanga ise na tinggal di bagasan Au jana Au di bagasan ia, ramos ma ia marbatu; angke anggo so rap dohot Au, nada adong bagi aha tarbaen hamu.

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.