PODA 11:4 - BIBEL JAMITA NA DENGGAN

⁴ Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 11:4 ပူးပေါင်းရင်းမြစ်များ

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

JOB 20:28

Gabe soada noma sude sinadonganna, hara ni pangayup ni muruk ni Debata.

PODA 10:2

Sinadongan na dapot sian hageduhan nada mangalehen hauntungan; tapi hatigoran bisa do paluahon halak sian hamatean.

PODA 12:28

Hasintongan do dalan tu hangoluan; tapi tu hamatean do dalan ni na jahat.

PODA 6:34

Angke ra do gabe mangiburu halaklahi ni anakboru i baenon ni parbuatan i. Muda mangiburu sada halaklahi, gurgur ma murukna jana nada haotapan be hosomna.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.

JEHESKIEL 7:19

Ambungkonon ni halahi noma sere dohot perak songon rompak-rompak di topi dalan angke anggo di ari disi dipalalu Tuhan gilap ni murukNa nada tarpalua sere dohot perak i be halahi, mur mangonjarkon halahi noma i tu bagasan dosa. Nada tarpargunahon halahi be i laho papuaskon hagiot sanga laho manggohi butuha ni halahi.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

SURAT NI SI PAULUS TU PARLAGUTAN ROM 5:17

Hara ni pangalaosion ni sada halak, gabe mangarajai ma hamatean i rarat sian halak na sada i. Hape dao dope gumodang akibat ni na nibaen ni Sada Halak na asing i, i ma Jesus Kristus, maradopkon bahat halak, na manjagit asi ni roha dohot silehen-lehen hatigoran i. Angkon mangolu jana mangarajai halahi markite-hite Kristus i.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.