PODA 11:24 - BIBEL JAMITA NA DENGGAN

²⁴ Adong do halak na burju mangalehen tapi martamba kayo, adong do na sun hematna mur pogos.

PODA 11:24 ပူးပေါင်းရင်းမြစ်များ

2 JUJUR TAON 31:10

didok sintua ni Malim Asarya sian pinompar ni si Zadok ma tu raja i: “Sian dung dipungka halak mamboan silehen-lehen tu Bagas Ni Tuhan; sai mangan do hami jana butong jana marlobi-lobi dope bahat sajo; angke madung dipasupasu Tuhan bangsoNia, hara ni i do umbaen na lobi angka guguan on.”

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

PODA 11:18

Halak na jahat nada pasti hauntunganna; halak na denggan pasti pasupasuonna.

PODA 11:23

Hum parohon jop ni roha do hagiot ni halak partigor, tapi hagiot ni halak parjahat patubuhon hagigian.

PODA 11:25

Halak na mangalehen pasupasu, mur bahat manjagit pasupasu, halak na sai manolong, laing dapotan tolongan ia.

PODA 13:7

Adong do halak paula-ula na kayo hape nada mararta; adong halak na paula-ula pogos hape na sun morana.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 28:27

Na mangalehen tu na pogos nada i marhahurangan. Sanga ise na papitpit matana tu haporluan ni na pogos, hona bura baenon ni halak.

PODA 28:8

Sanga ise na gabe kayo hara ni na mangan bunga ni singir dohot na mambuat untung sabahat-bahatna, madabu ma sinadonganna tu tangan ni halak na maribo ni roha tu halak na so marnampuna.

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

MALEAKI 3:8

Tola ma he jolma paoto-otohon Debata? Tapi dipaoto-oto hamu do Au. Tapi didok hamu do, ‘Dohot dalan dia ma he hami paoto-otohon Ho?’ Taringot tu haul parsampuluan dohot haul na sumurung.

LUKAS 6:38

Lehen hamu ma tu halak na asing, anso laing dilehen Debata muse tu hamu; jagiton ni tanganmunu ma silehen-lehen maruse-use na dung nisuhat di hamu. Angke parsuhatan na nipakemunu tu halak na asing, laing i do parsuhatan na nipake tu hamu.”

PANGARATAION 15:10

Lehen hamu ma tu halak i sian na nionjar ni roha dohot sian basa ni roha, jadi gabe pasupasuon ni Tuhan ma sude karejomunu.