PODA 11:20 - BIBEL JAMITA NA DENGGAN

²⁰ Halak na marroha na jahat dihagigihon Tuhan; dihaholongi Ia do halak na mambaen na denggan.

PODA 11:20 ပူးပေါင်းရင်းမြစ်များ

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

MASMUR 101:4

Hupasiding hagedukan jana mandao do au sian hajahatan.

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

MASMUR 119:1

Martua ma halak na so targora di ngoluna, jana na mardalan mangoloi Tona Ni Tuhan.

MASMUR 140:13

Sai na pujion ni na tigor roha i do Ho, sainganan ma halahi rap dohot Ho.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

PODA 11:21

Halak na jahat pasti dapot uhuman; halak na denggan marhaluaan.

PODA 12:22

Dihagigihon Tuhan do pargabus, tapi dihajopkon Ia do na burju.

PODA 13:6

Hajujuron do mangalinggomi halak na burju; hajahatan mangago halak na so tontu.

PODA 14:9

Halak na bodo nada parduli haru pe ia mardosa; halak na denggan por rohana dosana disesa.

PODA 15:26

Magigi do Tuhan mida sangkap ni halak pardosa, tapi hata na denggan pajop rohaNia.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 21:29

Nada diboto parjahat na maila, tapi muda halak partigor dipauba do pangalahona.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

PODA 6:14

Angke na jahat sajo do dipikiri di bagasan rohania, na jat i anso mambaen parbadaan.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

PODA 9:7

Muda dipatuduhon ho sala ni halak siginjang roha, incahannia do ho. Muda dimuruhi ho halak na jahat, hona siksa do ho baenonna.