PODA 11:19 - BIBEL JAMITA NA DENGGAN

¹⁹ Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

PODA 11:19 ပူးပေါင်းရင်းမြစ်များ

2 RAJA-RAJA 1:16

Jadi didok si Elia ma tu raja i, “Didok Tuhan: Na nisurumu do mangido panogu-noguon tu Baal-Zebub debata ni halak Ekron – songon dia ma na so adong Debata di Israel na gabe panyapaan – jadi nada ra be ho malum; mate noma ho!”

2 RAJA-RAJA 1:4

Dokkon hamu ma tu raja i na nidok ni Tuhan songon on, ‘Nada ra malum be hilalaonmu, mate noma ho!’ ” Dipalalu si Elia ma na nidok ni Tuhan i.

PODA 10:16

Upa ni halak partigor mambaen hangoluan, tapi padapotan ni halak parjahat hum na manambai dosa.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 12:28

Hasintongan do dalan tu hangoluan; tapi tu hamatean do dalan ni na jahat.

PODA 19:23

Biar mida Tuhan parohon hangoluan, jadi marbongin ma jolma di bagasan jop ni roha, nada ditinggang parhancitan.

PODA 21:16

Jolma na so mangihutkon parngoluon ni halak na marroha, pasti muli lalu tu portibi ni halak na mate.

PODA 21:21

Muda denggan rohamu jana jujur ho, gabe ginjang ma umurmu, pasangapon ni halak ma ho jana tigor pambaenanna tu ho.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

PANGARATAION 16:20

Sai tongtong ma hamu tigor, anso tarbuat jana taringani hamu salolot-lolotna tano na giot silehenon ni Tuhan i di hamu.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.