PODA 11:17 - BIBEL JAMITA NA DENGGAN

¹⁷ Maruntung do halak muda denggan rohana, tapi marugi do muda marroha na jat iba.

PODA 11:17 ပူးပေါင်းရင်းမြစ်များ

JOB 20:16

Minum rasun sibaen mara ma anggo parjahat, mate ma ia baenonna songon na niturbing ni ulok na bisa.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

MATEUS 5:7

Martua ma angka na marasi ni roha, dibaen dapotan asi ni roha do muse halahi.

LUKAS 6:38

Lehen hamu ma tu halak na asing, anso laing dilehen Debata muse tu hamu; jagiton ni tanganmunu ma silehen-lehen maruse-use na dung nisuhat di hamu. Angke parsuhatan na nipakemunu tu halak na asing, laing i do parsuhatan na nipake tu hamu.”

PILIPPI 4:17

Nada hum silehen-lehenmunu i na giot jagitonku, tapi anso huida do angka suha na patamba hauntunganmunu, i do na huhalungunkon.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!