PODA 11:16 - BIBEL JAMITA NA DENGGAN

¹⁶ Dadaboru na pardenggan basa dapotan hasangapan, halak na kejam palagutkon sinadongan.

PODA 11:16 ပူးပေါင်းရင်းမြစ်များ

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

PODA 31:28

Mandok tarimakasi do tusia angka dakdanakna, jana halaklahinia pe mamuji ia.

AMOS 3:10

“Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

AMOS 3:9

Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”

MATEUS 26:13

Ingot hamu ma! Sanga na di dia di tano on dipararat Jamita Na Denggan na sian Debata i, angkon dicaritohon muse ma pambaenan ni anak boru on baen parningotan tusia.”

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

SURAT NI SI PAULUS TU PARLAGUTAN ROM 16:6

Tabengku muse tu si Maria. Songon i ma lojana dihilala ia na markarejo i di hamu.

2 JOHANNES 1:1

Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.

1 SAMUEL 25:40

Jadi lalu ma suruannia i tu anakboru i di Karmel jana didok ma tusia, “Na nisuru ni si Daud do hami mandapotkon ho, harana, por do rohania manyapai hamu gabe daborunia.”