PODA 10:7 - BIBEL JAMITA NA DENGGAN

⁷ Marrumang pasupasu do halak na burju diparningotan, tapi halak na jahat ompot do dihalupahon.

PODA 10:7 ပူးပေါင်းရင်းမြစ်များ

1 RAJA-RAJA 11:36

Tapi anggo samarga padiaronKu do disia, anso laing tongtong adong sahalak sian pomparan ni naposongKu si Daud na mamarenta di Au di Jerusalem, kota na Hutodo i baen inganan marsomba tu Au.

2 RAJA-RAJA 19:34

AbarahononKu ma Jerusalem jana ondihononku, hara ni sangap na tu Au sandiri boti hara ni parjanjianKu sandiri tu naposongKu si Daud.’ ”

2 JUJUR TAON 24:16

Dikuburkon di kuburan ni raja-raja i do ia di Kota Ni si Daud laho marningot angka jasania tu Debata, tu Bagas Ni Debata dohot tu bangso Israel.

2 JUJUR TAON 32:33

Marujung ma ngolu ni si Hiskia, lalu dikuburkon ma ia di panangkohan na di tano kuburan ni raja-raja. Sude do rayat ni Juda dohot Jerusalem mangalehen hasangapan na godang tusia di parmatenia i. Gabe raja ma anaknia si Manase manggontihon ia.

JOB 18:17

Nada adong be na manandasa di kota dohot di balian; umpe sahalak be na marningot di goarna.

JOB 24:20

Dipapangani goya halahi, jana dihalupahon inana i. Nada be sipaingot-ingoton goarna; dironcohon noma ia songon hayu na maburgat.

JOB 27:23

Dompak marlojong ia, marngius-ngius ma alogo i songon halingsungsung, mambaen ia mabiar hara ni hagogoan na mangagohon.”

MASMUR 109:13

Sai dirampas hamatean i ma sude pomparanna, jana dihalupahon sundut na mangihut goarna.

MASMUR 109:15

Sai diingot Tuhan ma tongtong dosa ni halahi, anso ulang adong na mangingot halahi di tano on.

MASMUR 112:6

Anggo halak na burju nada ganggu, salolot-lolotna do ia niingot.

MASMUR 34:16

Hape anggo halak na jahat, dialo Ia; dung mate, tibu-tibu halahi lupa sian roha.

MASMUR 34:17

Muda pio-pio halak na daulat, ditangihon Tuhan, jana dipalua Ia halahi sian sandok hasusaan.

MASMUR 41:5

Dipardokkoni musungku do na jahat taringot tu au, giot ni halahi mate ma nian au jana dihalupahon.

PODA 22:1

Ummarga do goar na denggan ulang pado hakayoon, jana dumenggan do di haholongi ulang pado sere sanga perak.

PARJAMITA 8:10

Jungada do huida mate halak na jahat lalu dikuburkon. Tapi di na mulak au sian kuburan, hubege ma ia dipapuji-puji angka halak na di kota inganannia mambaen hajahatan i. Jadi, i pe magopo do.

JESAYA 14:22

Didok Tuhan Na Markuaso i ma, “Ro ma Au mamorangi Babel, lalu manyegohonsa. Umpe sahalak na malua baenonKu, salang dakdanak pe nada padiaronKu mangolu. Tuhan do Au, na mandok i.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

MARKUS 14:9

Tutu do na Hudok on tu hamu! Sanga na di dia pe di tano on dibaritahon Jamita Na Denggan na sian Debata, angkon dibaritahon muse ma na nibaen ni anak boru on gabe songon parningotan tusia.”

LUKAS 1:48

Angke diingot Ia do au, naposoNa na bile on! Mamungka saonnari sude ma halak mandokkon au na martua,