PODA 10:6 - BIBEL JAMITA NA DENGGAN

⁶ Maruli pasupasu do halak na denggan. Martabuni do hakejamon di balik ni hata ni halak na jahat.

PODA 10:6 ပူးပေါင်းရင်းမြစ်များ

ESTER 7:8

Mandele ma si Haman didabuhon ia ma dirinia tu ginjang ni podom-podoman ni si Ester laho mangido ampun, tapi laing topet muse ma disi mulak raja i sian kobun ni bagas godang i. Marnida si Haman songon i, marsurak ma raja i, “Aha? Laing barani dope antong bayo on mambaen na so ture tu ratu i dison, di jolongku jana di bagas godangku sandiri?” Disi didokkon raja i hata i, marroan ma angka pangoloi lalu manutupi ulu ni si Haman.

JOB 29:13

Dipuji halak na marhasusaan situtu do au, huurupi do lopus sonang angka na mabalu.

MASMUR 107:42

Marjop ni roha partigor i marnidasa hape anggo parjahat dihuntam Ia pamanganna.

PODA 10:11

Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 10:5

Halak na pistar palagut suha di musimna; tapi barang ise na modom hatiha manyabi, i ma na parohon ila tu dirina.

PODA 11:26

Na pagukguk gandum buraan ni halak ma, tapi tarpasupasu na manggadis gandum.

PODA 24:25

Tapi anggo panguhum na manguhumi halak na sala, marpasupasu do i jana sihalomohonon.

PODA 28:20

Halak na tigor, pasupasuon, tapi halak na mopop kayo, nada malua sian uhuman.

PODA 3:33

Diburai Tuhan do bagas ni parjahat, tapi dipasupasu do bagas ni partigor.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

PANGARATAION 28:2

Oloi hamu ma Tuhan Debatamunu, jadi gabe lehenonNia ma sude pasupasu on tu ho: