PODA 10:4 - BIBEL JAMITA NA DENGGAN

⁴ Halak na losok madabu tu hapogoson, marhite hapadoton markarejo dapot hamoraon.

PODA 10:4 ပူးပေါင်းရင်းမြစ်များ

PAMUNGKAAN 26:32

Laing di ari i, ro ma da angka naposo ni si Ishak paboahon tusia taringot tu sumur na nihuar ni halahi. Didok halahi, “Ma dapot hami aek.”

PODA 10:5

Halak na pistar palagut suha di musimna; tapi barang ise na modom hatiha manyabi, i ma na parohon ila tu dirina.

PODA 11:24

Adong do halak na burju mangalehen tapi martamba kayo, adong do na sun hematna mur pogos.

PODA 12:24

Maradu gogo karejo mambaen halak markuaso; halosohon mamaksa jolma gabe hatoban.

PODA 12:27

Nada dapotan buruan halak na losok, tapi dapotan arta na arga do na ringgas karejo.

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 18:9

Sarupa do jahat ni halak na losok karejo, dohot halak na sai mambaen sego.

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

PODA 19:24

Adong do halak na santak losok; mangaum indahan pe rohana dokdok.

PODA 20:13

Halak parmodom, sai na marhahurangan. Halak na padot karejo, adong bahat panganonna.

PODA 20:4

Partani na losok nada di hatihana mangkarejohon ladangna; ujungna di masa ni na mambuat, nada dapotsa sanga aha suhana.

PODA 21:5

Sangkap na tangkas parohon hadoharon; pambaenan na mopop parohon hahurangan.

PARJAMITA 10:18

Muli tiris do tarup ni bagas muda dipadiar, jana ujungna marumpak do bagas i hara ni halosohon.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.