PODA 10:28 - BIBEL JAMITA NA DENGGAN

²⁸ Arop ni roha ni halak na denggan mambaen ia marjop roha; arop ni roha ni halak na jahat do na soada.

PODA 10:28 ပူးပေါင်းရင်းမြစ်များ

JOB 11:20

Tapi anggo parjahat sai balangboling panailina, hara ni na so adong pangambilingan dapotsa. Hum sada noma arop ni rohana, i ma dung dapot ujung ni ajalna.”

JOB 8:13

Songon i ma da halak na so marTuhan. Lupa ia tu Debata, gabe mago ma pangaropan.

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

MASMUR 16:9

Jadi ngolungku marsurak-surak, rohangku marmoga-moga, pamatangku sonang soada mara,

MASMUR 68:4

Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.

PODA 11:23

Hum parohon jop ni roha do hagiot ni halak partigor, tapi hagiot ni halak parjahat patubuhon hagigian.

PODA 11:7

Mago do arop ni roha ni halak parjahat di hamateannia, jana nada marguna arop ni rohania i.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PODA 29:6

Tardapot do parjahat dibaen dosana, halak na tigor bebas jana moga pangkilalaanna.

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

SURAT NI SI PAULUS TU PARLAGUTAN ROM 5:2

Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.