PODA 10:25 - BIBEL JAMITA NA DENGGAN

²⁵ Muda mangalantap topan, mago ma parjahat i, hape anggo halak na jujur sai malua do i.

PODA 10:25 ပူးပေါင်းရင်းမြစ်များ

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

JOB 20:8

Mago ma ia songon sura-suraan ni nipi mago boti songon parnidaan di borngin ni ari.

JOB 21:18

Unjung ma he halahi songon durame dohot abuan na niombus ni halingsungsung dohot haba-haba?

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

MASMUR 58:9

Painte so hona dope angka hudonmu tu api madung dipangabis Ia angka na mangolu bope na dung mosok.

PODA 1:27

Olo, incahanku ma hamu muda hancitan hamu jana mangae hara ni na hona parmaraan na ro songon halingsungsung.

PODA 10:30

Halak na ias marroha mangolu aman; halak na jahat usiron do sian tano pusakona.

PODA 12:3

Nada hot marbungaran halak hara ni hajahatan; halak na jujur hot do so tarhutur.

PODA 12:7

Dumpang hadadabu do halak parjahat jana punjung, tapi halak na denggan hot do pomparanna.

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

1 TIMOTEUS 6:19

Songon i ma baenon ni halahi dalanna laho palagutkon arta na gabe poko na denggan tu ari pangapudian ni halahi. Jadi muda songon i, maruli ma halahi ngolu na manongtong i ma ngolu na satutuna i.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.