PODA 10:21 - BIBEL JAMITA NA DENGGAN

²¹ Hara ni hata ni halak na burju, bahat halak dipasupasu haotoon ni halak na bodo mangago dirina sandiri tutu.

PODA 10:21 ပူးပေါင်းရင်းမြစ်များ

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

MASMUR 37:30

Halak na denggan pajojor hata na marimpola sai na tigor do hata na nidokna.

PODA 1:29

Nada jungada porlu dihilala hamu parbinotoan. Sai na matua losok do rohamunu mangoloi Tuhan.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

PODA 10:11

Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 12:18

Hata rarat bolas songon podang mambaen roha mabugang; hata na bisuk tudos tu ubat na mambaen hamaluman.

PODA 15:4

Hata na denggan patamba semangat, hata na pahancit roha pagalehon roha.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.

PODA 5:12

Jadi dohononmu ma, “Iale, biasi ma nada ra au manjagit sipaingot? Biasi nada ra au diajar?

PODA 5:2

anso diboto ho marparange na ture jana tarida ma sian hatamu na adong parbinotoanmu.

PODA 5:23

Mate ma ia hara ni na so manjagit pangajaran. Obanon ni haotoonna i ma ia tu tanoman.

PODA 6:32

Tapi halak na markarosuan, na hurang roha do ia disi angke na manyegoi dirina sandiri do ia disi.

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

JESAYA 5:13

Hara ni i, toguon noma hamu kehe songon na tartaban. Mate tangkuraparon dohot manguas ma angka pamimpin dohot rayat.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

JEREMIA 3:15

LehenonKu ma di hamu angka pamimpin na burju mangoloi Au. Pimpinon ni halahi ma hamu mardongan habisuhon bope marhite parbinotoan.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.