PODA 10:19 - BIBEL JAMITA NA DENGGAN

¹⁹ Mur bahat mangkobari, mur bahat do hatiha mardosa, muda giot bisuk, gumonan do hohom sajo iba.

PODA 10:19 ပူးပေါင်းရင်းမြစ်များ

MASMUR 39:1

Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

PODA 11:12

Sanga ise na palayaskon donganna na bodo do i, tapi hohom do halak na pistar.

PODA 11:13

Halak siginjang dila nada haposan maniop rahasia; tapi sanga ise na setia, i do na gabe pos ni roha.

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PODA 18:21

Mangolu sanga mate dirajai dila, barang ise na ra maningtingkonsa, angkon mangankon parbatuna.

PARJAMITA 5:1

Jamot ma muda giot kehe tu Bagas Ni Tuhan. Dumenggan do kehe tusi laho marsiajar ulang pado laho manghaulkon haul, songon na nibaen ni angka jolma na oto. Nada tarpaasing halahi sanga dia na tutu dohot sanga dia na sala.

PARJAMITA 5:2

Jolo nipikiran ma painte so nidok hata, jana ulang matibutu marjanji tu Debata. Di banua ginjang do Ia jana ho di tano on, jadi bangkol ma ho mandok hatamu.

PARJAMITA 5:3

Harana songon nipi na ro hara ni bahat ni halojaan, songon i muse ma hata na oto ro hara ni bahat ni pangkataion.

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.