PODA 10:18 - BIBEL JAMITA NA DENGGAN

¹⁸ Halak na manabunihon hosom ni rohana, panipu do i, halak na pasarsarkon late, na bodo do i.

PODA 10:18 ပူးပေါင်းရင်းမြစ်များ

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 50:20

Sadihari sajo, matua na pabile kahanggimu do ho, jana pahata-hata donganmu saama-saina.

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

1 SAMUEL 18:29

Jadi gabe mur mabiar ma ia tu si Daud jana goyak rohania paida-idasa salolot mangolu ia.