PODA 10:11 - BIBEL JAMITA NA DENGGAN

¹¹ Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 10:11 ပူးပေါင်းရင်းမြစ်များ

MASMUR 107:42

Marjop ni roha partigor i marnidasa hape anggo parjahat dihuntam Ia pamanganna.

PODA 10:32

Halak na bulus marroha pangkataina pasonang roha; hata ni halak na jahat sai pahancit roha.

PODA 10:6

Maruli pasupasu do halak na denggan. Martabuni do hakejamon di balik ni hata ni halak na jahat.

PODA 13:14

Haroroan ni ngolu do pangajaran ni halak na bisuk, na mambaen malua halak sian parmaraan.

PODA 15:4

Hata na denggan patamba semangat, hata na pahancit roha pagalehon roha.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PODA 18:4

Hata ni jolma bolas gabe haroroan ni bisuk na bagas songon lautan jana borgo songon aek ni batang aek na mardalan sun tu dia.

PODA 20:15

Ummarga do hata na marisi parbinotoan sian sere dohot sian parmata.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.