PODA 1:7 - BIBEL JAMITA NA DENGGAN

⁷ Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 1:7 ပူးပေါင်းရင်းမြစ်များ

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 15:32

Halak na so ra diajar, na so mangargai dirina sandiri; tapi sanga ise na manangihon dapotan habisuhon.

PODA 15:33

Biar maradopkon Tuhan, i ma ojahan ni pangajaran. Toruk ni roha manjoloi hasangapan.

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

PODA 18:2

Halak na oto nada ra nilehen pangastuion; giotnia hum na patuduhon hamaloon.

PODA 2:5

Muda songon i botoonmu ma sanga aha arti ni biar maradopkon Tuhan jana maruli parbinotoan ma ho taringot tu Debata.

PODA 23:9

Ulang nipaingot halak na oto; indangkan na argahononna sipaingotmi.

PODA 9:10

Anso gabe marbisuk, angkon parjolo do halak marsangap jana mabiar maradopkon Tuhan. Muda ditanda ho do Na Sun Badia i, gabe dapotan pangartian ma ho.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

PANGARATAION 4:6

Patutna ma nian setia hamu patuluskon sude aturan i. Muda dibaen hamu songon i, nalnal ma abisuhonmunu maradopkon angka bangso na asing i. Muda dibege halahi taringot tu angka aturan i, dokkonon ni halahi ma, ‘Na bisuk jana na pistar ma da antong bangso na godang on!’