PODA 1:5 - BIBEL JAMITA NA DENGGAN

⁵ Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

PODA 1:5 ပူးပေါင်းရင်းမြစ်များ

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

JOB 34:10

O hamu angka halak na mamboto, tangihon ma! Ra ma he Debata Na Markuaso i mambaen na sala?

JOB 34:16

Jadi, muda na daulat ma ho, parrohahon ma, paeleng ma pinggolmu jana tangihon ma da.

JOB 34:34

Pasti do sude halak na bisuk manolopisa; dohonon ni na marroha na umbege hatangkon ma

PODA 12:1

Sanga ise na mangkaholongi poda, holong do rohania diparbinotoan; tapi sanga ise na margoyak ni roha di sipaingot, na bodo do i.

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 18:15

Bahat do halak na pistar marjop ni roha, jana manguas marsiajar.

PODA 19:25

Muda niuhum halak na sombong, disi pe halak na so marpangalaman i dapot pangajaran. Muda niajar halak na marroha, gabe dapotan ia parbinotoan.

PODA 21:11

Muda hona uhum halak na sombong, dapotan pangajaran do halak na so marpangalaman. Muda hona ajar halak na marroha, gabe dapotan parbinotoan ma ia.

PODA 8:33

Jagit ma poda jana marroha ma ho, ulang layas rohamu disia.

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

PODA 9:9

Muda dipaingot ho halak na marroha, mur marbisuk muse ma ia. Jana muda halak na burju mangoloi Debata diajari ho, mur martamba ma parbinotoannia.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

1 KORINTUS 10:15

Songon tu halak na marroha do au na mandok hata on tu hamu. Hamu sandiri ma nian manimbang pandohankon.

PANGARATAION 4:6

Patutna ma nian setia hamu patuluskon sude aturan i. Muda dibaen hamu songon i, nalnal ma abisuhonmunu maradopkon angka bangso na asing i. Muda dibege halahi taringot tu angka aturan i, dokkonon ni halahi ma, ‘Na bisuk jana na pistar ma da antong bangso na godang on!’