PODA 1:33 - BIBEL JAMITA NA DENGGAN

³³ Tapi anggo halak na manangihon au tarjamin do. Aman ngoluna jana nada porlu mabiar ia.”

PODA 1:33 ပူးပေါင်းရင်းမြစ်များ

JOB 36:11

Muda dioloi halahi do Debata jana marsomba tuSia, mangolu di bagasan dame ma halahi jana sonang lopus tu ujung ni ngoluna.

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

PODA 12:21

Nada masa jaya tu halak partigor, tapi marjaya do halak parjahat.

PODA 14:26

Muda dipasangap Tuhan jumpang do dame ni roha, jana dongan sabagasna dapotan gogo marpangondian.

PODA 9:11

Lehenon ni habisuhon do di ho umur na ginjang.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

JESAYA 32:17

Sanga na di dia adong hasintongan, dapotan ma disi hadameon, jana hara ni hasintongan tubu ma haulion dohot hasonangan salolot ni lolotna.

JESAYA 48:18

Sugari na burju ho mangoloi aturanKu so pola lalap, gabe mardalan ma pasupasu tu ho songon batang aek na so unjung mahiang. Hamonangan marroan ma tu ho songon ombak ni laut na so unjung maradian.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

HAMALIMON 25:18

Ihutkon hamu ma sude aturan dohot parenta ni Tuhan anso sonang ngolumunu di luat on.

HAMALIMON 25:19

Tano na di luat i mangalehen suhana mambaen tuk panganonmunu gabe sonang hamu disi.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

LUKAS 21:19

Muda martahan hamu jana sobar, dapotan ngolu ma hamu.”

LUKAS 21:9

Ulang pola mabiar muse hamu umbege barita taringot tu angka porang dohot hagaoran. Angke angkon jolo masa do sudena i. Tapi i pe nada na giot ari parpudi dope.”

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.