PODA 1:23 - BIBEL JAMITA NA DENGGAN

²³ Patinggil ma pinggolmu muda hupaingot ho. Lehenonku ma sipaingot na denggan jana ajarkononku parbinotoan tu ho.

PODA 1:23 ပူးပေါင်းရင်းမြစ်များ

MASMUR 145:1

Sai giot pagodangonku do Ho, ale Debatangku jana Rajangku, tongtong do au sai giot mandok tarimakasi tu adopanMu.

PODA 1:25

Dipasiding hamu do sude sipaingotku jana gora-gorangku ditulak hamu.

PODA 1:30

Nada unjung ra hamu manjagit angka sipaingotku sanga mamparrohahon angka gora-gorangku.

PODA 10:17

Sanga ise na manangihon sipaingot, na giot masonang ma i, sanga ise na so ra mangoku dosana, di bagasan bahaya ma i.

PODA 12:1

Sanga ise na mangkaholongi poda, holong do rohania diparbinotoan; tapi sanga ise na margoyak ni roha di sipaingot, na bodo do i.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PODA 6:23

Angke songon palito do poda i; jana dalan hangoluan sipaingotna.

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JESAYA 45:8

Hupaijur hamonangan songon udan, marbuka tano on laho manjagit haluaan. Maringanan ma haluaan dohot hatigoran, Au Tuhan, Au do mambaen on mardalan.”

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

JOEL 2:27

Jadi botoonmunu ma ale Israel, na di tonga-tongamunu do Au, jana Au do Tuhan Debatamunu. Nada adong Debata na asing be, olat ni Au sandiri. Nada pailaon be bangsongKi salolot-lolotna!”

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

JOEL 3:1

Didok Tuhan ma, “PasuangonKu ma di hatiha i hasonangan ni Jerusalem dohot Juda.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

JOHANNES 7:39

Tondi Ni Debata do na nidok ni Jesus disi, i ma na giot sijagiton ni angka na porsaya tuSia. Harana nada podo ro Tondi Parbadia i, hara ni na so dipasangap dope Jesus.)

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.