PODA 1:15 - BIBEL JAMITA NA DENGGAN

¹⁵ Ulang ho kehe dohot angka jolma sisongon i, ale anakku! Padao ma dirimu sian halahi.

PODA 1:15 ပူးပေါင်းရင်းမြစ်များ

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

MASMUR 119:101

Hupasiding do sude parange na so ture anso huoloi pangajaranMu.

PODA 1:14

Beta dohot ma ho! Di hita do annon sude na dapot tartangko i!”

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PODA 24:1

Ulang iba mangiburu mida halak na jahat, jana ulang por roha pardongankon halahi.

PODA 3:31

Ulang ma mangiburu ho maradopkon halak na mangasahon gogo, jana ulang tiru halahi,

PODA 4:27

Padao ma na jahat, jana tigor ma ho mangolu. Ulang jabat ho manyirpang sian dalan na tigor.

PODA 5:8

Mandao ma ho sian dadaboru na songon i! Salang mandonohi bagasna i pe, indangkon.

PODA 9:6

Tadingkon ma halak na oto, anso mangolu hamu; jana ihutkon ma dalan ni halak na marroha.”

JESAYA 33:15

Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.