PODA 1:11 - BIBEL JAMITA NA DENGGAN

¹¹ Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

PODA 1:11 ပူးပေါင်းရင်းမြစ်များ

MASMUR 17:12

Songon singa na mangonjap soroanna, madung singkop halahi mangaroro au anso sibakkononna.

MASMUR 35:7

So adong harana manaon jorgong halahi tu au, dohot mambaen godung na bagas padapotkon au.

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

PODA 1:18

hape anggo angka halak na jahat i, suhar-suhar ni i do. Dihuar halahi do lubang, jana halahi sandiri do na runcur tu bagasan lubang i.

PODA 12:6

Hata ni halak na jahat mamatehon; hata ni halak na jujur pangoluhon.

PODA 24:15

Ulang iba songon halak na jahat na marpokat manyamun halak na burju jana mangarampas bagasna.

PODA 29:24

Halak na manjagit parbagian sian panangko, na mangago dirina sandiri do i. Dibege ia pe bura, nada ra ia mangkobarkon. Tapi muda hohom sajo ia, hona ma uhuman ni Debata tusia.

PODA 30:14

Adong do halak na kejam na mambuat pangomoan sian na pogos dohot na dangol, sai songon i do dikarejohon manjalahi ngoluna.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 5:26

O hamu bangsongKu, adong do sian tonga-tongamunu angka halak na jahat. Songon halak na manaon sambil laho manangkup unggas, songon i ma ditaon halahi jorgong laho manangkup jolma.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

BAENON NI ANGKA RASUL 23:15

Antong hamu angka dongan dohot angka anggota ni Mahkamah Ugamo i, baen hamu ma surat tu komandan ni tentara Rom i mangido anso dioban ia si Paulus mangulahi mangadop tu hamu. Jadi tarsongon na giot paresoonmunu ma parkaronia i tumangkas mangulahi. Tapi anggo hami madung rade laho mamunu ia dompak so lalu dope tuson.”

BAENON NI ANGKA RASUL 25:3

anso ibo jolo rohania tu halahi; sugari ra ma ia nian marsuru oban si Paulus tu Jerusalem, harana madung satahi halahi laho mamunu si Paulus di tonga dalan.