PILIPPI 4:8 - BIBEL JAMITA NA DENGGAN

⁸ Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

PILIPPI 4:8 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

MASMUR 82:2

“Sadia lelengnai hamu manguhumi di bagasan hakejamon, jana marpihak hamu tu halak parjahat.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 12:4

Dadaboru na burju gabe tuku do i di halaklahina; tapi dadaboru na pailahon, songon bara na mangontak tu holi-holinia.

PODA 16:11

Giot ni Tuhan ulang so jujur halak di boniagana, songon i di na mamake ukuran dohot timbangan.

PODA 20:7

Maruntung do anak na marama, na jujur boti na patulus hagiot ni Debata.

PODA 31:10

Maol do dapot dadaboru na pistar, ummarga do i umpado permata na marlinang-linang.

PODA 31:29

“Bahat do dadaboru na denggan,” ning halaklahina; “tapi ho ma i na dumenggan sian sudena halahi.”

PODA 31:31

Balosi sude hadenggananna, ia ma dadaboru na patut pasangapon sanga na di dia.

ENDE NA GODANG 5:16

Tabo begeon angka hatana sude do tehe na adong disia manarik roha. Songon i ma da haholonganki, hamu angka boru Jerusalem.

JESAYA 26:7

Lidang do dalan ni halak partigor, angke Ho do na mangarintis dalan disia.

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

LUKAS 23:50

Adong ma sada halak na margoar si Josep, sian Arimatea na di Luat Judea. Halak na burju do ia na nipasangap ni halak jana sai dipainte ia do sanga andigan hatihana Debata mamungka mamarenta songon Raja. Haru pe anggota ni Rapot Godang ni Ugamo ia, nada dohot-dohotan ia di haputusan dohot pambaenan ni Rapot Godang i.

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

BAENON NI ANGKA RASUL 22:12

Adong ma disi sada bayo na margoar si Ananias. Na daulat do bayo i jana na burju do ia mandalankon angka Tona i. Sude do halak Jahudi na di kota Damaskus mamparsangapi ia.

BAENON NI ANGKA RASUL 6:3

Hara ni i, hamu ale angka dongan, pili hamu ma sian tonga-tongamunu sandiri pitu halak na tangkas burju jana na nigohan ni Tondi boti na bisuk, anso hami pabangkit halahi tu karejo na songon i.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

SURAT NI SI PAULUS TU PARLAGUTAN ROM 13:3

Harana anggo halak na mambaen na denggan, inda pola mabiar ia tu pamarenta. Hum halak sibaen na jahat do na angkon mabiar. Muda por rohamunu anso ulang pola mabiar hamu mida pamarenta, angkon denggan do pangalahomunu, gabe sipujion ma hamu.

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 2:29

Sabalikna do. Anggo halak Jahudi na tutu, i ma halak na marroha Jahudi; jana sunat na tutu, i ma sunat na di roha i na nibaen ni Tondi i, nada na nibaen marguru tu Tona na tarsurat i sajo. Sian Debata do ro pamujian tu halak na songon i nada sian jolma.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 13:7

Hami tangiangkon do tu Debata anso diurupi Ia nian hamu ulang mambaen na jat. Nada na giot paboa-boahon na malo hami mandalankon tugasnami, tapi anso dikarejohon hamu do sanga aha na denggan sibaenonmunu – haru pe idaon songon na gagal hami, nada pola bia i!

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.

2 KORINTUS 8:18

Laing hami suru do rap dohot si Titus sahalak donganta na tarpuji di sude parlagutan i hara ni parkarejoanna manjamitahon Jamita Na Denggan i na sian Debata.

2 KORINTUS 8:21

Angkon tigor do hami markarejo, nada hum di jolo ni Tuhan, tapi dohot do di jolo ni jolma.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

EPESUS 6:14

Tongtong ma hamu hobas! Pake hamu ma hasintongan songon bobatmunu, dohot hatigoran na songon baju bosimunu.

PANGARATAION 16:20

Sai tongtong ma hamu tigor, anso tarbuat jana taringani hamu salolot-lolotna tano na giot silehenon ni Tuhan i di hamu.

PILIPPI 3:1

Tamba ni i ale dongan, marjop ni roha ma hamu di bagasan Tuhan i. Nada pola alang rohangku mandok mangulahi na dung hudok i di suratku dompak so i; angke na padenggankon do i tu haluaanmunu.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

1 TESSALONIKA 4:12

Muda songon i dibaen hamu, nada pola marguru tu halak na asing be ngolumunu, jana pasangapon ni halak na so porsaya tu Kristus ma hamu.

1 TIMOTEUS 2:2

hara ni angka raja dohot hara ni sude halak na maniop kuaso. Tapangidohon ma anso tarbaen hita mangolu marsonang-sonang di Debata mardongan pangalaho na tama.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

1 TIMOTEUS 3:4

Angkon malo do mangatur rumahtanggana sadenggan-dengganna, dohot mangajari dakdanakna mangoloi jana pantun tusia.

1 TIMOTEUS 4:12

Ulang ma padiar sahalak pe marlayas ni roha tu ho hara ni na poso i dope ho. Tapi angkon gabe tiruan na denggan ma ho di angka halak na porsaya, di bagasan pangakataionmu, pangalahomu, holong ni rohamu, haporsayaanmu dohot di haiason ni ngolumu.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

1 TIMOTEUS 5:2

jana angka dadaboru na matobang, songon inanta sandiri. Tu angka bujing-bujing, angkon ias sun do baenonmu pangalahomu, songon tu ibotomu sandiri.

TITUS 1:8

Angkon jop do rohana manjagit tamu di bagasna, na mangkagioti pangalaho na denggan, na malo mangorom dirina, na jujur, ias jana maraturan.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

TITUS 2:2

Paingot ma angka ama na tumobang anso marroha jana malo mangorom dirina; anso denggan dihaporsayai halahi Debata, denggan marsihaholongan jana sobar di sitaonon jana benget.

TITUS 2:7

Jana ho sandiri pe, angkon patuduhononmu do parange na denggan na gabe tiruan di sude pangalaho. Muda mangajari ho, angkon tigor do baenonmu.

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

IBRANI 11:2

Hara ni na porsaya, gabe jop do roha ni Debata mida angka jolma narobi.

IBRANI 13:18

Torus ma tangiangkon hamunu hami. Pos do rohanami na denggan do taroktoknami, angke sai ra do hami patuluskon na tigor.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.

1 JOHANNES 3:18

Hamu angka dakdanakku! Ulang ma hum di pamangan sajo hita marholong ni roha sanga hum di hata sajo. Holong ni roha na tutu i ma tabaen mangkaholongi, sipataridahononta di pambaenanta.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

RUT 3:11

Hara ni i, ulang ho gamang, Rut. Hupatulus pe na nipangidomi; angke madung sude halak na sahuta on mamboto bahaso ho sada anak boru na burju do.