PILIPPI 3:9 - BIBEL JAMITA NA DENGGAN

⁹ jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

PILIPPI 3:9 ပူးပေါင်းရင်းမြစ်များ

PAMUNGKAAN 7:23

Dipatimpas Tuhan sandok na mangolu di tano on – jolma, binatang dohot unggas. Hum si Noak ma i na so mate dohot sude na rap dohot ia di kapal i.

1 RAJA-RAJA 8:46

“Muda mardosa bangsoMi tu Ho, sian sahalak pe nada adong na so mardosa, hara ni murukMu gabe dipadiar Ho ditaluhon musu halahi, jana dioban halahi gabe taban-taban tu luat na dao sanga na donok.”

2 JUJUR TAON 32:25

Tapi hara na ginjang rohania, nada mandok tarimakasi ia hara ni hamalumon na nilehen ni Tuhan i tusia. Jadi hara ni i gabe muruk ma Tuhan tu Juda dohot Jerusalem.

2 JUJUR TAON 32:31

Jana dompak diparro ni angka utusan na sian Babel i laho manyapai tusia taringot tu hamamalumnia na pahomang roha i, dipadiar Tuhan ma si Hiskia mambaen lomo ni rohana sandiri laho manguji rohania.

MASMUR 14:3

Tapi sude halak madung lilu jana jorngang, nada adong na mambaen na denggan, umpe sada.

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 10:10

Harana marhite roha do halak porsaya jana dipatigor. Jana marhite pamanganna do halak mangoku, gabe dipalua.

SURAT NI SI PAULUS TU PARLAGUTAN ROM 16:7

Laing pasahat hamu ma tabengku tu si Andronikus dohot tu si Junias. Dongan samargangku do halahi na dua jana unjung do halahi rap tarhurung dohot au. Dompak so porsaya dope au tu Kristus, madung parjolo halahi porsaya. Tarbonggal do halahi di tonga-tonga ni angka rasul.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

SURAT NI SI PAULUS TU PARLAGUTAN ROM 8:1

Saonnari nada adong be siuhumon di halak na mangolu di bagasan Kristus Jesus.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

PANGARATAION 27:26

‘Bura ni Debata ma di halak na so mangoloi sude uhum dohot pangajaran ni Debata.’ Dung i sude ma bangso i mandok: ‘I ma tutu!’ ”

PILIPPI 3:6

Songon i ma situtu ni rohangku jabat do huparkanciti parlagutan i. Muda nitimbang sian angka Tona ni ugamo Jahudi, au ma sada halak na burju na so adong hurangna.

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

1 JOHANNES 3:4

Sanga ise na mambaen dosa, na mangalaosi Tona Ni Debata do i; angke na nidok dosa, i ma karejo na mangalaosi Tona Ni Debata.